Parang nakatabi ko sa dyip kanina ‘yong ex ko na ilang taon ko ding nakasama. 

Ang nakakatawa sa mga ganitong sitwasyon e ‘yun bang parang ‘di kayo nagkaroon ng relasyon. Sa tagal din ng pinagsamahan, nawala na lang bigla. Parang ‘di na magkakilala. 

Sa totoo lang, isa siya sa mga nakarelasyon ko na gusto kong maging kaibigan. Pero siguro nga, nung natapos yung relasyon namin, nabura na rin ang espasyo namin sa isa’t isa. 

Hinding-hindi ko malilimutan ang company outing namin nitong Sabado’t Linggo. 

Ang pinaka-memorable sa lahat e nung pauwi na kami’t nakaramdam ako ng panlalamig, pagtaas ng balahibo, kirot sa tyan. Natatae na ako. Ilang oras pa ang iba-byahe namin pabalik ng Maynila. 

‘Buti na lang at sinuportahan ako ng drayber namin pati na rin ang mga katrabaho ko. Binigo kami ng dalawang gasolinahan na nadaanan namin. Sira ang flush. Wala ding tubig. Kahit paano naman e ayokong iwanan ang kalat ko. Mahirap na’t baka may kumulam pa sakin. 

Salamat sa Shell na kahit walang flush at wala ding tubig e buong giliw na sinalubong ang pwet ko. ‘Buti na lang at may natira pa kaming Mineral Water. Binigyan din ako ng wipes nung isa kong kasama. Laban na ‘to. 

Sinubukan kong palubugin ang tae ko gamit ang kakarampot na tubig. Tulad ng inaasahan e hindi lumubog. Bahala na kako.

‘Di pa man kami nakakaalis sa Shell e may dumating na van. Sunod-sunod lumabas ang mga tao. Seryoso ang dating at diretso sa banyo. Kita ko ang pagkayamot nila pagpasok sa loob. Mukhang natatae na rin sila.

Kaso, may sipa ‘ata ‘yong amoy ng tae ko. 

Nakasakay ko sa dyip kanina ang ilan sa mga kupal na makakasalamuha mo sa pagbyahe araw-araw. 

‘Di ko alam bakit parang ang sama ng loob ng mga de puta na ‘yon na magabot ng bayad ng iba sa drayber. E kung hindi rin kaya iabot ang ipinapaabot nilang bayad? 

Titignan ka pa ng masama. Kunwari pang hindi naririnig kahit ilang beses mo nang sabihing “Bayad pooooo!” At may mga matitigas talaga ang mukha na hindi ka papansinin. 

Kung ayaw magabot ng bayad o magpaistorbo sa pagpapainit ng pwitan sa dyip e ‘wag na lang umupo sa malapit sa drayber. O ‘di kaya, mag-taxi na lang. O ‘Di kaya, ‘wag na lang lumabas ng pukinang inang bahay. 

Kanina sa pasyalan, may dumaan na mag-tatay na black American ‘ata. Ang totoo, hindi sila ang una kong napansin kundi ang mga taong nagtatawanan, nagbubulungan, at sinusundan ng tingin ‘yong dalawa. 

‘Di ko maintindihan minsan sa mga Pilipino, ano bang problema sa kulay ng tao? Bakit ‘yong sobrang puti ng balat e hindi naman nila pinagtatawanan at madalase sinasamba pa? 

Ang siste, katatawanan ka kapag maitim ang balat mo, pero kung maputi pero maitim ang budhi e ayos lang? 

E bababa ako sa gusto kong babaan. Nagbayad ako sa’yo kaya putanginang ‘wag kang magrereklamo kung hindi ako bumaba habang nakahinto ang dyip sa gitna ng daan.

Masarap ba sa pakiramdam na sa sobrang inis mo e ibinababa mo ako sa malayo para maglakad ako ng malayo pabalik? 

Ayos lang naman sakin pero hinihiling ko ngayon na mabangga ka sana, mapuruhan ka, pero hindi ka mamamatay. Sana maaksidente ang kahit sino sa pamilya mo dahil sa kagaya mong gago. 

Sumakay ako ng taxi pabalik ng opisina kanina. Hindi naman kalayuan kaya ayos lang. Bale pumatak ng Php 57.50 ang metro. Nagbigay ako ng isang daan at sinuklian niya ako ng bente. BENTE lang ang sukli saakin.

Tinanong ko siya kung magkano ba. Itinuro niya yung metro sabay sabing “Hindi mo ba ako bibigyan ng tip?” “Kailangan ba?”, kako. Nakalimutan ko na ang sinabi niya pagkatapos at nagmadali na rin akong bumaba dahil baka kung ano pa ang masabi ko sakanya. 

Ibang klase talaga ang mga tao ngayon. Hindi mo naman binibigyan ng tip, basta na lang kukuhanin sa bayad mo. Hindi ko obligasyong magbigay ng tip parati. Nagbayad ako ng tama, suklian dapat ako ng tama. 

Nalimutan ‘ata nung mag-syotang kaharap ko sa FX kanina na wala sila o wala na sila sa mots. 

Bale feeling ‘ata nitong si ate e type ko yung syota niyang ka-edad na ‘ata ng tatay ko. Malamang mapatingin ako sakanila bilang sila lang naman ang nasa harap ko. ‘Di ko rin kasalanan kung tinitignan ako(o yung boobs ko) ng syota niya habang katabi siya. 

‘Kala ‘ata niya e cool yung petting nila sa harap ko. 

Katarantaduhan din ng ilang drayber, mas marunong pa sa gusto mong babaan. ‘Buti sana kung hindi ka nagbayad. Magrereklamo pa na kanina pa nakahinto sa kabilang kalsada at kinukwestyon pa ang hindi mo pagbaba don. 

E sa putanginang gusto kong bumaba sa tamang babaan. Mas marunong ka pala saakin edi sana ibinayad mo na rin ako ng pamasahe sa sarili mong pasada. Sinabi mo na rin sana sa sarili mo kung saan ako bababa. 

At ang kagaguhan pa, inilagpas ka pa ng sobra-sobra at pinaglakad ng sobrang layo. Kundi ba naman hindot ang pukingina.