Nagulat ako na may biglang nagtext sakin ng ang kati ko raw at mang-aagaw ng boyfriend. Puta nagulat ako syempre. Sinong boyfriend naman ang inaagaw ko, tanong ko sakanya. 

Hindi niya sinagot at nilait-lait ang pagkatao ko. Umakyat yung dugo ko sa utak e. Ginamit ko ang landline namin para tawagan siya. Nung sinagot, pinipilit ko bosesan. Nakakagigil e. Buti sana kung totoong may nilalandi akong syota ng iba. 

Ilang beses ko pang pinakinggan hanggang sa hindi ko na natiis, nagsalita na ako at tinanong ko kung sino siya. Parang armalayt na yung bunganga ko. Hindi na siya nakapagsalita. 

Hanggang sa biglang ipinasa sa ibang tao ‘yong telepono. Yung baklang classmate ko pala nung hayskul. Tinitrip ako. 

K.